Үйлчилгээ

Төгөл ХХК нь 10 гаруй жилийн хугацаанд ууланд мод тарих болон, хотын доторх ногоон байгууламж бүтээх ажилд арвин туршлага хуримтлуулсан хамт олон юм. Бид одоогоор дараах чиглэлүүдээр үйл ажиллагаа явуулж байна.

1. Жимсний модны суулгац тарих, худалдах.
Жимсний модыг ногоон мөчирөөр үржүүлж, 2-3 настай болгоод шилжүүлэн суулгадаг. Ногоон мөчирөөр үржүүлэх нь шилжүүлэн суулгасны дараа амьдрах чадвар дээд зэрэг байдаг давуу талтай.

2. Гоёлын болон анхилам үнэртэй бут сөөг тарих, худалдах.
Монос, Голт бор, Шар хуайс, Далан хальс, Гүйлс гэх мэт анхилуун үнэртэй, хавар зундаа цэцэглэж битүү цэцэг ургадаг Монгол орны унаган модлог ургамлуудыг ногоон мөчирөөр үржүүлдэг. Ингэж үржүүлсэн 2-3 настай тарьцийг шилжүүлэн суулгана. Шилжүүлэн суулгах модыг зооринд хадгалж хавар, намар өөр газар суулгахад бэлдэнэ.

3. Зүлэгний үр худалдах
Манайх сайн чанарын зүлэгний үрийг үйлдвэрлэж хаана ч байхгүй хямдаар нийлүүлнэ.

4. Амины орон сууцны гадаа талбайн ногоон байгууламжийн тохижилт хийнэ.
Байгууллага, амины орон сууцны гадаа ногоон байгууламжийг бүтээнэ. Үүнд оролцох бүх төрлийн мод, бут, зүлэгийг та манай санал болгох ургамлуудаас сонгож болно. Бид өөрсдийн ургамлын баялаг сантай тул танд өөр зүйл хайх хэрэг гарахгүй.

5. Бортгонд өсгөсөн том мод суулгах.
Бидний өөрсдийн үржүүлгийн фермд бортгонд суулгаж 2м гаруй болтол өсгөсөн модыг бортоготой нь шууд шилжүүлэн суулгана. Хэт том болсон модыг шорооноос ухаж авч суулгахад үндсийг гэмтээж цаашид амьдрах чадваргүй болгодог. Харин бортоготой мод нь амьдрах чадварыг алдагдуулахгүйгээр шилжүүлэг хийж байгаа юм.

Манай давуу тал

• "Төгөл" мод үржүүлгийн газар 80 хувь автоматжсан үйлдвэр юм. Ингэснээр бүтээгдэхүүний зардал эрс багасдаг. Манайхаас хямд газрыг та хайгаад олохгүй. 

• Шилжүүлэн суулгах тарьцыг газраас ухах үедээ гар хүрзээр ухдаггүй, хүчтэй техникээр сэндийлэн ухаж авдаг. Ингэснээр тарьцны олон салаа нарийн тэмтрүүл үндэс гэмтэхгүй гарч ирдэг. Ийм тарьц шилжүүлсний дараа амьдрах боломж бараг 100 хувьтай байна.

• Хураасан тарьцыг стандартын зооринд хадгалдаг. Тиймээс хавар оройтож мод тарих хугацаа дууссан ч манай хадгалсан тарьцны чанар хэвээрээ байдаг.